更多
2024-01-13
2498 瀏覽
將軍澳皇冠假日酒店近日推出「海鮮盛宴」自助晚餐，主打多款高質海鮮，好似麵包蟹、生蠔呢啲，即刻試一試佢！佢整體嘅款式唔算特別多，但勝在都好高質，淨係煮佢嘅海鮮同甜品已經好夠，可以由晚上6:30食到9:30，而且食物refill得好快，好抵食！------------------------------◖ 「海鮮盛宴」自助晚餐◗ 🦐▪️ 海鮮凍海鮮有即開生蠔、松葉蟹腳、青口、黃金螺、白蜆、凍蝦，星期五至日、公眾假期同前夕仲可以嘆到麵包蟹同扇貝，呢個價錢食到呢啲款式，真係幾有驚喜！凍海鮮整體水準都唔錯，全部都幾新鮮，尤其鍾意松葉蟹腳同麵包蟹，蟹腳唔會死鹹幾鮮甜；麵包蟹爆曬膏，回本首選！🍣▪️ 刺身壽司有五款刺身：吞拿魚、三文魚、象拔蚌、帶子同紅蝦，全部都大大塊厚切，好鮮甜！佢個三文魚、帶子同紅蝦真係不斷encore，口感超軟糯，三文魚油脂豐富，滿滿嘅甘香，仲有預覽嘅部位，高質！留意返帶子刺身同阿根廷天使粉紅蝦刺身都係星期五至日、公眾假期同埋前夕先有㗎‼️🥗▪️ 冷菜 佢嘅cold cut有煙三文魚、凍肉同兩款芝士🧀，可以放上梳打餅到食～另外仲有多款水果同自家製沙律，不過呢啲都係試少少好啦～🔥▪️ 熱食
------------------------------
◖ 「海鮮盛宴」自助晚餐◗
🦐▪️ 海鮮
凍海鮮有即開生蠔、松葉蟹腳、青口、黃金螺、白蜆、凍蝦，星期五至日、公眾假期同前夕仲可以嘆到麵包蟹同扇貝，呢個價錢食到呢啲款式，真係幾有驚喜！凍海鮮整體水準都唔錯，全部都幾新鮮，尤其鍾意松葉蟹腳同麵包蟹，蟹腳唔會死鹹幾鮮甜；麵包蟹爆曬膏，回本首選！
🍣▪️ 刺身壽司
有五款刺身：吞拿魚、三文魚、象拔蚌、帶子同紅蝦，全部都大大塊厚切，好鮮甜！佢個三文魚、帶子同紅蝦真係不斷encore，口感超軟糯，三文魚油脂豐富，滿滿嘅甘香，仲有預覽嘅部位，高質！留意返帶子刺身同阿根廷天使粉紅蝦刺身都係星期五至日、公眾假期同埋前夕先有㗎‼️
🥗▪️ 冷菜
佢嘅cold cut有煙三文魚、凍肉同兩款芝士🧀，可以放上梳打餅到食～另外仲有多款水果同自家製沙律，不過呢啲都係試少少好啦～
🔥▪️ 熱食
佢嘅熱葷選擇唔算太多，有蒸魚、炒小菜類、炸物同烤物，大概十款左右，每樣都係試少少！有啲兩款限定推出嘅款式，蒸好會響鐘仔，係🌟花膠鮑魚茶碗蒸同芝士蒸龍蝦，兩款都唔錯，幾鮮甜！仲有自助餐必備嘅港式麵檔，仲有啲滷味、白切雞呢啲，款式比較簡單冇咁多元化，但味道都唔錯！
🍨▪️ 甜品
今期以韓國草莓🍓做主題，推出多款士多啤梨蛋糕同甜品，好鍾意佢全部都係細細件，每樣都可以試少少，又唔會驚俾人夾到爛晒！有十幾款甜品，好似韓國草莓千層酥、韓國草莓櫻花蛋糕、韓國草莓泡芙山，同其他蛋糕仔、布甸杯，全部都唔會好甜，好食！仲有即叫即煎嘅法式班戟，可以根據自己口味配上唔同配料；仲有任食嘅Haagen-Dazs雪糕，推介開心果味雪糕，粒粒果仁超香！仲有個草莓朱古力噴泉，好豐富，全部都值得試一次！😍
☕️▪️ 飲品
自助吧有提供咖啡、茶、果汁等飲品，仲有玫瑰檸檬有汽水，平時要$12一支，而家比顧客無限試飲，微甜幾夠氣！
🌟Encore指數：9/10
張貼
