博洛尼亞 (已結業)

係人都知新城市廣場有幾旺場, 仲要係星期五晚, 比閒日都夜晚更爆, 但竟然呢度7點幾都仲有門口果張枱, 就算介意坐門口, 但唔駛等, 都要入去食, 如果唔係唔知要等幾耐?攞位時, 好似都有話限時食的, 但都夠鐘時, 都已經冇人等位, 所以冇趕我地走, 繼續可以吹水~3個人都係第一次食呢間, 於是其中一位朋友提議叫2個set再share食, 咁當然要選飽肚又易share食啦~落咗單幾分鐘後, 已經上餐湯同多士~  餐湯叫咗紅湯, 唔會太酸, 都好多什菜料, 最緊要係唔辣~  多士原來呢度d多士好出名, 有成81層咁多, 所以超鬆軟, 又香牛油味, 完全唔駛再塗牛油, 就咁食已經好正, 熱辣辣脆卜卜~佢呢度有個細細地的麵包部, 鍾意的話可以買走, 但就貴咗少少, 好似成十蚊一塊~啱啱飲完湯, 就上埋意粉, 食到一半就已經上埋個飯, 真係超快, 但樣樣都係熱辣辣的~  日本帆立貝配黑松露忌廉燴飯好彩係燴飯, 而唔係意大利飯啫~ 因為燴飯唔係硬, 佢用珍珠米去煮, 更加有口感, 而且好香忌廉, 燴埋一齊, 又多汁, 最啱我鍾意汁撈飯, 佢仲幫我埋, 再加d黑松露碎, 雖然食唔到黑松露味,