鮨樂 (MOSTown新港城中心(4期))

營業中

休息中

尋晚同朋友二人晚餐，由於已7點幾，周圍都好難搵位，見到呢一間冇人，朋友建議入去食唔使等，我反而驚中伏😂 不過朋友肚餓，就入去食左先算。和牛他他好好味😋有少少黑椒，唔腥，和牛肉鮮嫩，加埋蛋，好滑好好味😋火灸三文魚 + 吞拿魚腩三文魚味道OK，不過不失。吞拿魚腩油脂不夠豐富，食落不夠香口。三文魚壽司正常😋鯛魚本身新鮮，加上上面類似陳皮碎？嘅物體，提味一流，好好味👍🏻池魚壽司都好新鮮好好味😋另外我哋仲叫左個9貫Set 同海膽壽司，不過掛住食唔記得影相😂整體來講，味道係不錯，完全唔伏。但價位係新港城住宅區來講貴左啲，我哋兩人，其實未食飽，但已經$500 幾，難怪晚市都只得三、四枱客。