憶食尚臘味煲仔飯 (已結業)

之前行過俾佢門面吸引，話下次一定要黎食煲仔飯，點知我隔左冇耐，有朋自遠方來，梗係帶佢去食下啦！今日黎到冇咩人，可能夏天？🤪 冇乜人食煲仔飯，都好既，我唔太想等位！同朋友睇完菜牌，決定散叫！叫左兩杯檸檬薏米水，幾好！唔甜！之後叫左四季豆平煸雞脾菇，呢個幾好！又唔油！濃味，要黎送飯幾好！之後黎到都要試下佢既臘腸，侍應姐姐推薦我地叫孖寶，可以試下佢既四川口味，我就唔多岩架喇！朋友話好好食，仲買左一斤番去 🤣之後係 煎腌海鯧魚，呢個我地大愛呀！煎得好香口，半條...唔夠喉！咸鮮好正！送飯一流 👍🏻朋友突然轉態話要食荷葉梅菜黑毛豬肉餅飯，個梅菜好香，個豬肉餅都好彈牙 😋最後食埋個紫米露，飽哂 😋