街坊Cafe (已結業)

用香港情懷做裝修背景，連餐湯都係用碗仔翅。圖畫都幾cutie，仲有個維港景加埋隻紅帆船。親切感滿分！牛肝菌雞柳沙河粉 $98河粉名都用返傳統名，都幾有懷舊Feel！如果啲河粉炒得無咁黐身會樂啲。雞肉都算嫩滑，牛肝菌香味夠濃。跟餐一加一藍蝶花凍飲係用芒果加菠蘿汁，再加埋藍蝶花梳打水製成，唔會太甜，仲要幾靚仔，影相特飲是也！燒西班牙黑毛豬 $98煎得唔會過熟，扒都幾厚身。肉汁豐盈，配埋薯菜都幾夠份量。餐湯配南瓜湯。配餐奶茶茶味夠濃，香港地道口味。