菜菜鍋 (已結業)

心血來潮，一個人想食火鍋，諗起呢間新開，試下先。帶位哥哥仔好有禮貌，先在外面揀肉類及湯底，我揀咗 $239 有豚肉，兩款牛肉，蝦，蜆，帶子，90分鐘任食。湯鍋比較細，湯底豬骨正常僱淡，蕃茄就真係好麻麻，好杰身，感覺似茄膏。豚肉，牛肉都唔錯，海鮮方面，帶子真係超迷你型，蜆唔錯，冇沙，蝦唔太新鮮，軟殼。外出啲配料都係大路嘢，幾款菜，貢丸，芝士波腸，粟米……反而熟食我冇試過，但見到都係白飯，日本咖哩，湯之類，冇乜留意。我嚟一心都係為咗食牛啫，唔試都唔係損失。枱面有一渣水狀物體，入面有塊綠色嘢，哥哥仔話係湯底真係清水咁款……佢啲醬油真係冇乜味，我唯有諗佢哋為客人血壓著想飲品都係汽水機，有咖啡奶茶。反而要提下，佢但自助軟雪糕，放題雪糕我食唔少，呢間係最好食，有質感又夠滑。總結：我自己會再去，不過就唔會食海鮮，唔會揀蕃茄湯底，平平哋 $189 已ok。