更多
2013-04-13
692 瀏覽
好耐冇飲過D台式飲品(因為飲一次好滯好飽)今日係旺角個FD話想飲,咁就陪佢飲下啦排隊果陣猶豫緊飲布丁奶綠好定新出果隻貴妃烏龍好決定唔到就諗住睇下價錢邊個平D飲邊個囉..跟住到我個FD嗌野飲,佢嗌奶蓋紅茶($18)佢得番$17.5(因為岩岩吃完飯)就問我借左$0.5俾錢果陣個收銀話唔收毫子我FD O左,細細聲咁講左句:下..5毫子都唔收我(排佢後面)就話:唔係掛...5毫子都係法定貨幣姐..(雖然想俾佢聽到,但絕對冇大大聲咁講)跟住個收銀態度勁串咁話:咁5毫子係唔係毫子丫?我個FD只好問我借$1黎買到我買果陣,我問佢布丁奶綠幾錢佢好唔耐煩咁話:咩奶綠丫?我果陣好疑惑,以為佢聽唔到就講多一次:布丁奶綠囉跟住佢又用好囂張既態度話:小姐,我地呢到有奶香綠茶 奶蓋綠茶 鮮奶抹茶wor 點知你要邊隻姐?佢講得勁快 我聽到一舊雲咁 只好話:珍珠奶茶果種佢又話:咁咪姐係奶香綠茶囉!加布丁咋嘛! 咁洗唔洗少甜少冰丫?我無奈左.話:我係想問幾多錢丫佢既態度就好似睇唔起人咁:$17囉跟住我咪話:咁要貴妃烏龍啦佢既態度就好似睇唔起人咁 D眼神好似話:冇錢就唔好學人飲啦救命 我唔係志在果一個幾毫 而係我覺得一杯
今日係旺角個FD話想飲,咁就陪佢飲下啦
排隊果陣猶豫緊飲布丁奶綠好定新出果隻貴妃烏龍好
決定唔到就諗住睇下價錢邊個平D飲邊個囉..
跟住到我個FD嗌野飲,佢嗌奶蓋紅茶($18)
佢得番$17.5(因為岩岩吃完飯)就問我借左$0.5
俾錢果陣個收銀話唔收毫子
我FD O左,細細聲咁講左句:下..5毫子都唔收
我(排佢後面)就話:唔係掛...5毫子都係法定貨幣姐..(雖然想俾佢聽到,但絕對冇大大聲咁講)
跟住個收銀態度勁串咁話:咁5毫子係唔係毫子丫?
我個FD只好問我借$1黎買
到我買果陣,我問佢布丁奶綠幾錢
佢好唔耐煩咁話:咩奶綠丫?
我果陣好疑惑,以為佢聽唔到就講多一次:布丁奶綠囉
跟住佢又用好囂張既態度話:小姐,我地呢到有奶香綠茶 奶蓋綠茶 鮮奶抹茶wor 點知你要邊隻姐?
佢講得勁快 我聽到一舊雲咁 只好話:珍珠奶茶果種
佢又話:咁咪姐係奶香綠茶囉!加布丁咋嘛! 咁洗唔洗少甜少冰丫?
我無奈左.話:我係想問幾多錢丫
佢既態度就好似睇唔起人咁:$17囉
跟住我咪話:咁要貴妃烏龍啦
佢既態度就好似睇唔起人咁 D眼神好似話:冇錢就唔好學人飲啦
救命 我唔係志在果一個幾毫
而係我覺得一杯布丁奶綠唔值得我洗$17去飲姐
而且我勁耐冇去飲過台式飲品(唔係講笑,真係冇成年咁滯冇飲過)
唔知布丁奶綠有分咁多種姐..洗唔洗咁串丫?
同埋事實上毫子真係法定貨幣丫嘛 你唔收1/2毫都講得過
唔收5毫子誇張左D wor 我同個FD先會O左咀姐
飲番次都要受氣?真係冇下次!
(PS:杯貴妃烏龍少糖左都係勁甜.下次嗌半糖試下,但一定唔會去番MK果間
張貼