八木橋日式燒肉

營業中

休息中

出街食飯比人限90分鐘交枱真係食都食得唔盡興, 見哩間有個3週年限定優惠, 早3日經網上卜位就可以食足4小時, 即卜!哩度以卡位為主, 所以坐得都幾舒服有自己既空間。除左多款肉類同小食之外, 哩晚既重點一定係日本A4五品和牛,  D牛既油花充足食落嫩口又重牛香, 叫左幾round都一樣高質。另外海鮮都有質素又幾多款, 鮑魚, 大蝦, 扇貝全部大大隻, 仲有最中意係刺生級生蠔，比平時食既廣島蠔更加大隻飽滿, 任食4個鐘黎講真係好滿足。飲品除左基本汽水, 茶飲, 仲有Asahi啤酒任飲, 朋友話唔洗就住就住飲得好盡興。仲有唔小得甜品!! 最尾就算好飽都要食番兩杯Haagen Dazs, 捧住個肚埋單。