碗屋 (已結業)

今次係第三次到碗屋，每次都非常期待！無論食物、環境同服務都令我好滿意。以前都會去食其他餐廳食放題，但係好多都會有限時，加上會有漏單嘅情況，所以就會食得非常之急。碗屋就唔會有呢個情況，無限時可以慢慢食，亦都唔會漏單，加上侍應都會好耐心咁解釋不同菜色嘅內容。講到服務，由打電話booking、到餐廳門口、落單、加茶都100分！無任何一間放題可以做到。首要推介絕對係刺身，每一件都切得好厚，絕對唔會粗製濫造，每次都會叫幾Round。另外一個要推介嘅就係炸物，炸得非常之新鮮，熱辣辣咁樣拎到嚟你枱面。個人首選就係炸蠔。Menu 都有幾十款野食，可以請每一野都Feel 到有心煮俾客人食，呢個亦係我回頭再幫襯嘅原因。今次都係由6點食到10點，非常滿足的一餐。