麥文記麵家

營業中

休息中

早排食澳牛見到呢間雲吞麵排哂隊，好奇心驅使之下，今日特登嚟試試佢真身。係門口都排左8分鐘先入到去，坐低叫左一碗細蓉，一碟菜心加支可樂。啲雲吞大大粒，鮮蝦肉都彈牙，豬肉味道都調配得幾好，啲麵食落明顯同連鎖店唔同，好好食。菜心蠔油要加$1，老實講個人係唔係太食得出蠔油同出邊嘅分別係邊到。不過菜心都靚仔，一啲都唔老，煮既時間岩岩好。總結來講，我覺得中意食雲吞麵既，呢間絕對值得一試，下次嚟會想試埋個豬手麵。