影片
更多
2010-12-06
203 瀏覽
響男友口中知道呢間食店之前響新蒲崗既, 不過早几年前執左, 已經令到佢地有點失望, 因為香港冇咩地方有蟲蟲食~ 近排朋友口中得知源來響深水埗開返, 所以專程黎試下, 睇下保唔保持到以前既水準~我地一行6人, 叫左9餸1湯如下:蟲草燉野鴨湯 ~ 呢個湯真係好補, 火喉十足, 飲完個人即時暖曬~~芥辣墨魚圈 ~ 一黎到見佢平平無奇, 點知一放入口, 個個都俾佢呃左... 因為佢係用左隱形wasabi, 俾佢殺個措手不及, 勁~ (suggest唔好點太多豉油, 因為咁會冇左D wasabi味架)炸4蟲~ 竹蟲, 蠍子, 蜂蛹, 禾味龍 ~ 呢4蟲一上枱, 對我黎我, 冇咩特別驚嚇感, 一來可能佢地已經瓜曬, 二來我都食既, 所以唔太怕, 不過4樣都係今次第一次食, 由細到大都只係食蠶蛹, 而呢D真係未食過, 4蟲中, 我最難入口既係禾味龍, 之但係今次有人幫我搣好曬, 所以我放膽一試~~ 原來係好香架~~ KAKAKA~~ 不過我覺得最好食既都係蠍子, 佢個味道係最好既~~ 同埋個樣都几得意架~ 最后蠍子同禾味龍我地再encore 1 round 呢~小炒王 ~ 呢個冇咩特別, 可以不試炸
我地一行6人, 叫左9餸1湯如下:
蟲草燉野鴨湯
~ 呢個湯真係好補, 火喉十足, 飲完個人即時暖曬~~
芥辣墨魚圈
~ 一黎到見佢平平無奇, 點知一放入口, 個個都俾佢呃左... 因為佢係用左隱形wasabi, 俾佢殺個措手不及, 勁~ (suggest唔好點太多豉油, 因為咁會冇左D wasabi味架)
炸4蟲~ 竹蟲, 蠍子, 蜂蛹, 禾味龍
~ 呢4蟲一上枱, 對我黎我, 冇咩特別驚嚇感, 一來可能佢地已經瓜曬, 二來我都食既, 所以唔太怕, 不過4樣都係今次第一次食, 由細到大都只係食蠶蛹, 而呢D真係未食過, 4蟲中, 我最難入口既係禾味龍, 之但係今次有人幫我搣好曬, 所以我放膽一試~~ 原來係好香架~~ KAKAKA~~ 不過我覺得最好食既都係蠍子, 佢個味道係最好既~~ 同埋個樣都几得意架~ 最后蠍子同禾味龍我地再encore 1 round 呢~
小炒王
~ 呢個冇咩特別, 可以不試
炸大腸
~ 估佢唔到, 呢個都做得几好, 唔會好油, 好香趣~
川爆牛柳粒
~ D牛柳粒好冧, 好入味, 不過我就覺得辣左少少, 不過好夠鑊氣~
鐵板田雞
~ 咁耐以黎, 都食唔到一間好食, 但呢度做得好有水準, 色香味都齊, 佢一出黎, 個種香味係全間舖都聞到, 好多枱都因為咁耐叫黎食架~ 真係好正~
食完后, 佢地諗住見下老闆聚下, 點知老闆一出黎, 先知原來已經唔係之前果個, 但仲可以保持到原來既水準, 同埋加左好多新元素, 真係可以去試下架~~ P.S. 記得BOOK枱喎~
張貼
