肉料理 廣

營業中

休息中

今日返工嘅時候有同事竟然話午餐去食燒肉所以就嚟咗呢間肉料理廣試一試啦唔試就唔知原來喺隱世入面都有一間咁正嘅燒肉鋪我見到依間舖頭主打飛驒牛，就一於叫咗一個日本和牛套餐黎試吓啦。一試就知冇得頂，肉嘅份量唔算多但係只和牛嘅價錢來講都算對得住啦。油脂分布非常之靚，一擺落個燒烤爐上面，非常之香嘅肉香就已經出咗嚟。一擺入口更加唔使點咬，好似發開咗咁。牛味都非常濃郁。跟餐配有茶碗蒸，麵豉湯，同一啲漬物。啲漬物感覺上就偏韓風小小嘅，好似係啲辣泡菜菠菜同芽菜咁。甜品有兩款分別係芝麻同紅豆。同事話飽得滯唔食，我一個人食晒兩款都非常之滿足。