滿屋日本料理 (已結業)

同老婆唔經唔覺就結婚七週年，順應老婆的意思去食放題，就老婆返工的地方，所以就去左銅鑼灣搵放題。聽舅仔講之前食過呢間滿屋評價幾好，所以去試試。食8:45pm果輪，幸好先訂枱，好快就已經有員工帶我們入座，一坐下我們的"電燈膽"--三少就已經叫嚷話肚子餓，便急急叫左粟米及熱烏冬，當然不忘叫左老婆最喜歡食的三文魚刺身同燒羊架啦，仲有一些串燒呀、壽司咁。以為咁多人會要等好耐才有得食啦，但食物很快就已經到了，老婆急不及待就食起三文魚刺魚，一邊食一邊話好好食，看到佢滿心歡喜地食曬剛叫的刺身，一件也沒留俾我，就知道超好食。三少一邊食烏冬一邊玩，將水不小心弄到在地上，果度的員工見到馬上囉些布幫忙抹枱及斟番d水，去過咁多間放題，遇到三少弄髒地下都會不自覺地黑我地面呀，或者有說話俾我地聽，但呢間的員工不但沒黑面，而且還會笑住幫我們斟水，剩係呢樣野都值得我們再次來啦~~舅仔真係冇介紹錯，呢間的串燒及羊架超好食，甜品焦糖布甸更令老婆叫左五六份食。呢餐同老婆食得好開心，位置在銅鑼灣，埋單又唔貴，野食又ok，下次一定約埋舅仔同佢女友，同埋三隻小魔怪一起再來食過~~