滿屋日本料理 (已結業)

今次都已經係第三次黎呢間放題食野，可能你會以為係因為夠近我，不過我答你唔係，我住黃大仙，呢間滿屋係銅鑼灣，一d都唔近，不過佢既服務同食物質素就係我特登出黎銅鑼灣食既原因。自從第一次去食，見到條排隊既人龍係幾長之後，我第二同第三次食都會訂位先。我今次訂既係八點九開始既時段，同女朋友出到銅鑼灣先七點，行左陣望一望電話，都八點四，咪行過去銅鑼灣二期準備去開餐。去到二期樓下，已經見到有兩個滿屋既員工係度派定d入座既卡仔俾人，之後攞左卡仔等左一陣就夠鍾可以上去。一上到去，已經見到d樓面員工企係門口準備帶位。呢樣係我其中一樣欣賞既地方，唔會好似之前係旺角食過既一間放題咁，上到去就話俾你聽你幾號枱，要你自己去揾餐死。D食物質素真係好好，刺身新鮮，d甜蝦唔會食落口有霉味。炸野夠晒熱，唔會凍冰冰，好似個芝士年糕，熱得黎又夠軟熟，抵讚。個蟹粥又棉又香，又夠足料，飲品又唔洗自己行去攞，落張單就得啦，good good good！員工係我覺得最抵讚既野，好似食完甜蝦，d蝦頭擺晒係隻碟度，即刻有個女仔攞住兩隻新碟過黎幫我地換左佢。又好似蟹粥，個傳菜既同事放低左個蟹粥，就即刻有個樓面既員工行過黎擺低兩隻碗俾我地。