壽喜燒 友

營業中

休息中

今晚嚟到壽喜燒友食壽喜燒，晚市套餐超級豐富，仲可以坐喺吧枱望住師傅去煮，視覺味覺享受！人均只係$1080!品味checkpoint✅刺身有3款，擺得靚靚，分別係真鯛，赤蝦，馬糞海膽，真鯛有啲嚼勁又充滿魚香，爽彈鮮甜；赤蝦彈牙得黎有少少粘口，鮮味口感；海膽超級creamy，香軟綿滑！品味checkpoint🈯️季節料理係吉列甘鯛，一款好少見既料理，吉列炸好既甘鯛味道更加清甜，多佐一份炸脆外皮既脆香，魚肉結實香甜，實為佳品！品味checkpoint✅壽喜燒A4和牛係主角，有3款既肉， 肉眼，西冷同肩肉，每款都有少少唔同既煮法，好似肉眼會用大大舊既洋蔥一齊去煮，洋蔥煮到軟腍，肉眼亦好入味好腍身，味道香甜，真係3款都各有特色呀！估你唔到，平時食壽喜燒，都系得一隻蛋，呢度竟然有兩隻，我最中意系雲朵蛋，d 蛋白好似分子料理甘呈泡沫狀，蛋黃就系中間，呢款蛋冇搶走d 牛味，同和牛好匹配。其他既料理都同樣唔錯，日本野菜就係其一，好新鮮好好食，味道又濃！