名館 (希慎廣場) (已結業)

今日又去到銅鑼灣做嘢，今晚夜晚就同朋友一齊試吓佢嘅酸菜魚。呢度方便在又可以嗌其他小菜又有酸菜魚，兩樣都試吓除咗酸菜魚之外我哋仲叫咗椰子雞湯同埋人蔘雞湯，兩個湯都真材實料冇落味精。另外再叫咗個蜂蜜柚子蝦球，果然好脆，甜甜酸酸咁好開胃。個酸菜魚我哋仲可以叫唔同嘅配料加落去，因為今日我嘅朋友佢都比較鍾意食多啲蔬菜類，所以我哋再叫咗金針菇同埋萵筍加落去。最後再錄埋啲米線落去，圓滿結束一餐。環境方面坐得好舒服，啱晒我哋女仔慢慢坐喺度吹吓水。