南翔饅頭店 (已結業)

原本打算去鼎泰豐，行到銅鑼灣廣場見到有南翔，就這間吧！不走那麼遠了。一坐下來職員便叫我們點茶，$8一位，都算平過酒樓嘅，而且質數幾好，最好的是個茶杯，設計好好，好想買番個。鮮肉小籠包6's($28)→味道唔錯，皮薄而軟硬適中，但小了一份鮮味。排骨擔擔麵($48)→湯底好味，麵質爽滑。如果有肉碎及炸菜粒再加一點辛辣就無得頂啦！件豬排好入味但不夠香脆。酸辣湯($22)→嘩！小得可憐，亦唔係十分足料，偏酸。某些鍋貼大王的酸辣湯比她做得好。鱔糊炒麵($55)→這個上海粗麵對比以上的食品是最出色的一個，好味。如果個汁可以再"杰"一點就更好。