影片
更多
2023-07-11
491 瀏覽
呢排超級火熱嘅餐廳，愛吃嘅醫生朋友問我有冇食過，本身喺IG都見到好多post。聽講之前佢嘅唐朝Menu一位難求，咁啱朋友竟然安排到，咁就試一試。係IG post video，勁多朋友都問呢間餐廳嘅資料，不如出個post講，呢個係Pacific Place 嘅餐廳，只得一張枱，如果你都記得我之前講過嘅Auntie Ayi，其實都係Wellwellwell入面嘅一間餐廳，名叫JING䭘 ，剩係見個名已經知道好特別，而且佢只係得一張枱，就係做佢哋做緊嘅特別menu，之前唐代嘅Menu都一位難求，今次出新嘅version，如果對宋代有興趣，應該更加想食。首先成餐嘅經驗都應該喺香港係首屈一指，不斷有video同勁靚嘅中國畫去介紹每一道餸菜，基本上係集美食，歷史，音樂，文化，藝術，繪畫於一身嘅菜單，而且喺太古廣場，價錢絕對唔會係勁離地嘅價錢，絕對值得感受一下，佢一張枱坐大概8至10人，而且價錢又唔係天價，好相信好容易約到朋友去食。特別係原來呢度嘅廚係睇咗好多書，做咗好多功課去諗呢一個Menu，而且每一道菜都唔係得個靚字咁簡單，食落仲要係非常之唔錯。開封府・山海兜以海鮮・時蔬・作筍・鮮菇，做一個前菜
係IG post video，勁多朋友都問呢間餐廳嘅資料，不如出個post講，呢個係Pacific Place 嘅餐廳，只得一張枱，如果你都記得我之前講過嘅Auntie Ayi，其實都係Wellwellwell入面嘅一間餐廳，名叫JING䭘 ，剩係見個名已經知道好特別，而且佢只係得一張枱，就係做佢哋做緊嘅特別menu，之前唐代嘅Menu都一位難求，今次出新嘅version，如果對宋代有興趣，應該更加想食。
首先成餐嘅經驗都應該喺香港係首屈一指，不斷有video同勁靚嘅中國畫去介紹每一道餸菜，基本上係集美食，歷史，音樂，文化，藝術，繪畫於一身嘅菜單，而且喺太古廣場，價錢絕對唔會係勁離地嘅價錢，絕對值得感受一下，佢一張枱坐大概8至10人，而且價錢又唔係天價，好相信好容易約到朋友去食。
特別係原來呢度嘅廚係睇咗好多書，做咗好多功課去諗呢一個Menu，而且每一道菜都唔係得個靚字咁簡單，食落仲要係非常之唔錯。
開封府・山海兜以海鮮・時蔬・作筍・鮮菇，做一個前菜，一定要趁熱，佢炸得唔錯，完全唔油，不過一定係要欣賞佢用3D打印嘅立體造型，藝術色彩非常濃厚。
我個人好鐘意宋嫂魚蓉羮，用上衟絲・鮮菇絲・鮮魚肉絲・芫茜，上枱前一刻佢放晒所有材料喺枱面逐樣話俾你聽佢嘅同平時嘅魚蓉羮有乜嘢分別，製作過程有乜嘢唔同，而我好見你自己親身感受吓佢有乜嘢唔同，係我飲過最特別嘅宋嫂魚蓉羮。
宋高宗 •蟹釀橙用上大閘蟹粉•大閘蟹肉 •鮮橙肉，首先講橙夾大閘蟹已經好特別，食落去都係有一種平常燉燈夾蟹羔嘅鮮味，剩係食呢個都不得之了。
二十年陳花雕海上鮮，我相信愛魚嘅人都一定會好鐘意，鮮味十足，用上花雕酒蒸星班，加子蓮子同脆米，蒸完再食個汁全數清掉。
蘇軾慢煮東坡肉又係用上花雕酒，不過為數不少嘅香料，舊東坡肉晶凝通透不特止，最緊要係用上唔同香料嘅醬汁，真係好好送飯，配上嘅一口飯好的骰，好可愛，不過大食啲可能會覺得唔夠。
岳飛將軍燻烤全鵝，先要讚嘅係佢嘅肉用好靚，係IG post
啲人仲問點解可以有咁嫩嘅粉紅色，鵝肉好出色，剛剛好的溫度同質感，最緊要有鵝肝・鵝腸・鵝腎，除咗鹵水舖都好少食到呢啲咁好食嘅內臟。
我個人最喜歡呢套禎州鰒魚油潑魚兒，其實簡單就係鮑魚配鮮魚麵，魚麵不嬲係我最愛，佢個粗幼剛好，仲有像六福的椒鹽手法，加一個魚麵，就勁滿足。
酒香酥黃獨・送客湯有芋容・酒香朱古力・甘草・逆子・蜂蜜等等，相信係你未體驗過嘅古代體驗，一個飲品送一件甜點，比平時我哋食緊嘅尾聲甜品有啲唔同，但就令人覺得完美。
總之，絕對值得推薦，聽講而家都唔係咁容易book，千萬唔好好似我咁上次錯過咗唐代Menu。
張貼
