金竹苑中菜廳 (已結業)

禮拜五約埋幾個朋友食餐飯,吹下水。揀間地點方便嘅餐廳，就響K11對面嘅大廈。大家可能知道呢棟大廈有K唱，查實有間中菜餐廳。呢度有幾間廂房，雀局飯局都得。我哋今次坐响大廳，非常闊落，吱吱渣渣都唔會嘈到人。見到龍蝦孖寶好似幾抵食（一份龍蝦伊面配一個小菜都系4xx），就叫咗兩份。龍蝦伊麵-- 呢個價錢嘅孖寶，冇太大期望。龍蝦算爽口，伊麵底嘅配湯較淡。 咕嚕肉-- 絕對系鎮店之寶！外皮薄而鬆脆，炸漿同豬肉好似混為一體！酸甜味也恰到好處。唯一挑剔嘅係：冇用新鮮菠蘿。清遠雞-- 雞件系炸過嘅，外皮十分鬆脆，冇咩油，亦冇過份調味砵酒蠔-- 呢個較為失色，焗得唔算好入味，同埋粉漿較厚呢間中菜餐廳都值得大家試試，尤其適合一大班人食飯，難得可以舒舒服服坐足成晚，就連禮拜五都唔駛限住2個鐘還枱。