譚仔雲南米線

營業中

休息中

呢幾日天陰陰開始季候風又落雨，想食啲辣嘢補一補。Lunch決定食譚仔，叫咗個重慶大辣米線，加咗豬閏同鮮冬菇。食譚仔係會越越辣，最初都係三小五小，到宜家中辣大辣，朋友見到成碗紅嘅話驚驚。佢嘅豬閏淥得啱啱好，唔會好老，間唔中想食豬閏過吓口癮係個好選擇；鮮冬菇好滑，都有4, 5隻，食啲菇平衡吓啲罪惡感。好多唔食辣或只食少少辣朋友問大辣係咪好辣。。。可能我本身都ok食行辣，同我覺得你只要唔好飲湯同唔好一啖凍一啖米線其實都ok。重慶辣，有少少麻，見住辣子掛曬米線咁，辣得好過癮。