影片
更多
2012-05-23
9 瀏覽
3月5日, 126週月快樂!又係我地慶祝大餐嘅時候, 今晚嚟咗我地買咗團購嘅台灣一品花雕雞$299二人餐, 有齊前菜小食, 邊爐材料同飲品, 當然唔少得主角花雕雞鍋~ 不過呢度book枱都幾難, 差唔多要一個月前book定! 但係我地上到去都只係有幾枱人, 應該只係每日留幾個quota俾團購, 算啦食平野係咁.::: 前菜小食 ::: 前菜小食包括紫蘇紅K球同埋蜜汁冰芋. 兩款小食都好快上台, 見到兩款小食都有一層冰喺面, 一定係雪到變咗冰, 見到個人都凍咗. 紅K球其實即係紅蘿蔔粒, 因為雪到硬一硬, 個感覺都真係幾似咬緊冰, 汁就已經雪到乾晒所以都冇乜紅蘿蔔味, 不過仲有d醋兩款甜酸味. 另外嘅蜜汁冰芋反而好d, 保留得到芋頭嘅味道, 質地亦好夠粉, 只係個甜味太人工, 應該都係落咗唔少糖水~ 2款小食都夠晒甜, 真係唔知當佢前菜好, 定甜品好… 總之佢俾得我地就食咗先啦.::: 一品花雕雞 (原味) :::上完小食, 服務員就會攞個花雕雞鍋出嚟, 由於呀菲唔食得辣, 所以我地叫咗原味走辣~ 先先就係用蓋蓋住嘅, 雖然雞係已經熟咗, 但係要等佢熱番先食得.到滾番起嘅時侯就可以開蓋喇
又係我地慶祝大餐嘅時候, 今晚嚟咗我地買咗團購嘅台灣一品花雕雞$299二人餐, 有齊前菜小食, 邊爐材料同飲品, 當然唔少得主角花雕雞鍋~ 不過呢度book枱都幾難, 差唔多要一個月前book定! 但係我地上到去都只係有幾枱人, 應該只係每日留幾個quota俾團購, 算啦食平野係咁.
::: 前菜小食 :::
前菜小食包括紫蘇紅K球同埋蜜汁冰芋. 兩款小食都好快上台, 見到兩款小食都有一層冰喺面, 一定係雪到變咗冰, 見到個人都凍咗. 紅K球其實即係紅蘿蔔粒, 因為雪到硬一硬, 個感覺都真係幾似咬緊冰, 汁就已經雪到乾晒所以都冇乜紅蘿蔔味, 不過仲有d醋兩款甜酸味. 另外嘅蜜汁冰芋反而好d, 保留得到芋頭嘅味道, 質地亦好夠粉, 只係個甜味太人工, 應該都係落咗唔少糖水~ 2款小食都夠晒甜, 真係唔知當佢前菜好, 定甜品好… 總之佢俾得我地就食咗先啦.
::: 一品花雕雞 (原味) :::
上完小食, 服務員就會攞個花雕雞鍋出嚟, 由於呀菲唔食得辣, 所以我地叫咗原味走辣~ 先先就係用蓋蓋住嘅, 雖然雞係已經熟咗, 但係要等佢熱番先食得.到滾番起嘅時侯就可以開蓋喇. 嘩! 超重嘅酒味狂飄出嚟! 同一入門口嗰陣聞到嘅味係一樣, 真係成間舖都瀰漫住好濃烈嘅酒味, 原來正正就係呢個花雕雞鍋傳出嚟~ d雞俾咗雞髀同少少雞背脊, 煮到變晒滷水咁嘅色, 睇得出好入味, 味道同聞落嘅都差唔多, 酒味濃郁, 加上少少滷水味, 雞肉亦唔會嚡, 第一次食呢個台灣花雕雞真係唔錯~ 仲有d菜呀年糕咁, 亦都索咗d汁, 年糕都幾彈牙, 味道都唔錯~ 不過服務員係唔會俾你慢慢食, 因為成個鍋只得好少汁, 好快會煲乾水而有燶味. 服務員就會幫你先夾起晒d野, 就要用剩餘嘅汁加番d水去煮其他食物.
::: 秘製粿條 :::
嗰d秘製粿條即係好似小肥羊嗰d肥羊粉咁, 一路煮佢會慢慢變得透明, 仲一路索埋d汁咁, 未食都知道d精華會完全走入晒去粿條度. 煙韌彈牙嘅粿條, 加上淡淡嘅酒香, 比起個雞更有酒味.
::: 手切安格斯肥牛、蝦丸、貢丸、腐皮卷、豆腐、豬潤、時蔬 :::
食完呢d野之後, 下一個程序就係打邊爐, 亦都係用埋個汁, 加上高湯就成為咗個湯底, 邊爐料有手切安格斯肥牛、蝦丸、貢丸、腐皮卷、豆腐同豬潤~ 要講個湯底喺加咗2次水之後, 顏色已經變淡,味道明顯變稀… 另外, 呢d邊爐料都比較失色, 安格斯肥牛只有10片, 薄之餘仲瘦咗d, 鮮味亦欠奉, 更唔駛講會有索到湯底味. 豆腐、豬潤、腐皮卷都只係普遍貨色. 所謂新鮮時蔬都只係一兜仔生菜, 都幾難飽到肚. 可取嘅只有蝦丸同貢丸, 可能佢地本身有味啦, 而且亦都唔係平價野, 食到都幾重蝦肉同豬肉味, 唔會成口都係粉. 一人各有一粒, 算係成個打邊爐part最好架喇~
::: 凍薏米水 :::
餐飲選擇只有熱柚子茶同凍薏米水兩款, 我地都要咗凍薏米水~ 薏米加糖水加水唔係難整, 成杯都好多薏米下~ 但味道都有幾人工嘅甜, 所以冇野飲局住飲.
成個餐望落豐富, 但係除咗花雕雞份量ok之外, 其他都只係似淺嚐, 亦唔係咩飽肚野. 與其話係團購套餐, 不如叫試食餐更貼切~ 加上佢地好似趕收工咁, 喺未轉做打邊爐之前係咁催你食d雞~ 有服務係好, 但係都唔駛係咁幫你夾… 好味嘅花雕雞確實唔錯, 但係其他野就麻麻. 我地都係第一次食台灣花雕雞鍋, 唔知仲有冇其他地方可以試試?
張貼
