八方雲集鍋貼水餃專門店 (已結業)

置富都會通常都係Poly學生，或者大家睇紅館既時候，先會爆場既。依加正值Sem break既下午，置富都會就無咩人，同朋友聽完Talk之後就去左食野喇。置富都會有燒味、吉野家、兩送飯依D大路野，我唔算太肚餓唔洗食飯，所以就食八方雲集。我叫左個Set係10隻煎餃子+麵線。依度都係$40，份量好多都抵食，但無野飲。煎餃子: 明顯放左一段時間，個皮雖然煎過，但好淋，入面既肉都係一般貨色。麵線: 好咸，好大陣豉油味同麻油味，好似食緊元素表咁，唔知自己食緊乜。總結:雖然$40份量多，但味道一般，食完好口乾，建議大家都係叫番有餐飲既餐。