盛八日式燒肉放題店 (已結業)

呢餐飯係我一個由幼稚園就識到大既朋友請我既補祝生日飯，原本想選"牛角",但因爲我有盛八既VIP卡，有9折，所以最後選擇左呢間。因爲今晚係平日，再加上我地上星期已經訂檯，所以都無需要等。平時如果我同老公兩個人就會叫二人餐(VIP$518 for 2)，但呢個餐對我地兩個女仔黎講好似多左D，所以我地決定散叫。今晚我地食左：1) 牛勒骨-好味，juicy, 推介 2) 豚肉toro - 都好味，肥瘦適中 3) 大蘑菇 - 好味，燒蔬菜當中我個人最鐘意呢款。平時都係老公燒，所以初頭都唔知幾時熟。第一舊朋友試味話似塑膠，即係未得。之後先知道原來要燒到個菇出水後，再燒多幾分鐘先OK 4）盛八沙律 - 新鮮，但似乎呢間餐廳大部分既沙律汁都撈左wasabi5) 蜆湯 - OK，如果再鮮甜更好6) 盛八泡飯 - OK，適合最後唔夠飽填下個肚7）煎餅 - 餐牌有兩款，唔係韓式個款。味道似蠔餅，但餡料變左做墨魚/八爪魚，同埋厚粉。我個人就唔多鐘意。最後呢兩道都太重澱粉質，太飽，最後有少量食唔曬。