影片
更多
2023-12-23
2584 瀏覽
牛站「駅」銅鑼灣地鐵站C出口斜對面銅鑼灣廣場二期交通方便，環境舒適，門口採用日本式鳥居設計，彷彿好似去左日本。首先湯底方面，有多種選擇，今次揀左龍蝦湯底同羊腩煲湯底，味道濃郁，鮮甜可口，羊腩唔會太靭。重點牛肉方面，有幾款牛肉，當中美國極黑和牛SRF，牛味滿分，油脂分布比例完美，其次美國安格斯牛板腱同美國肩胛肉味道出色，口感豐富，牛脷照常發揮一貫水準。除左牛肉，牛站有相當多選擇，小食類既乳鴿，又大隻又新鮮，加上送上黎既時候仲係好熱，建議鍾意食乳鴿可以叫多幾隻。海鮮既花甲鮮味十足，魷魚同象拔蚌都相當唔錯，新鮮指數五粒星。炸物榴槤波波同紅糖糍粑，即叫即炸建議食嘅時候小心，咬落去一啖爆汁，值得加單。飲品區域又非常多選擇，自己斟既有橙汁，椰青水，甘蔗汁，豆漿，除一般罐裝飲品支裝飲品之外，仲有台式珍珠奶茶，椰汁芋圓。飲酒嘅朋友可以放心，牛站有唔同酒類，日本松竹梅清酒，白酒，韓國真露燒酒，清酒，梅酒，無限添飲，收工後飲返幾杯盡興。甜品有唔同國家唔同牌子嘅雪糕雪條，鍾意自製嘅仲有雪糕機可以自己斟，蜜瓜味牛奶味，仲可以兩溝，仲有好經典嘅爆谷，仲有相當多嘅甜品蛋糕布甸等等。出面有熟食區同埋配料區，有蛇羹，
銅鑼灣地鐵站C出口斜對面銅鑼灣廣場二期
交通方便，環境舒適，門口採用日本式鳥居設計，彷彿好似去左日本。
首先湯底方面，有多種選擇，今次揀左龍蝦湯底同羊腩煲湯底，味道濃郁，鮮甜可口，羊腩唔會太靭。
重點牛肉方面，有幾款牛肉，當中美國極黑和牛SRF，牛味滿分，油脂分布比例完美，其次美國安格斯牛板腱同美國肩胛肉味道出色，口感豐富，牛脷照常發揮一貫水準。
除左牛肉，牛站有相當多選擇，小食類既乳鴿，又大隻又新鮮，加上送上黎既時候仲係好熱，建議鍾意食乳鴿可以叫多幾隻。
海鮮既花甲鮮味十足，魷魚同象拔蚌都相當唔錯，新鮮指數五粒星。
炸物榴槤波波同紅糖糍粑，即叫即炸建議食嘅時候小心，咬落去一啖爆汁，值得加單。
飲品區域又非常多選擇，自己斟既有橙汁，椰青水，甘蔗汁，豆漿，除一般罐裝飲品支裝飲品之外，仲有台式珍珠奶茶，椰汁芋圓。
飲酒嘅朋友可以放心，牛站有唔同酒類，日本松竹梅清酒，白酒，韓國真露燒酒，清酒，梅酒，無限添飲，收工後飲返幾杯盡興。
甜品有唔同國家唔同牌子嘅雪糕雪條，鍾意自製嘅仲有雪糕機可以自己斟，蜜瓜味牛奶味，仲可以兩溝，仲有好經典嘅爆谷，仲有相當多嘅甜品蛋糕布甸等等。
出面有熟食區同埋配料區，有蛇羹，麻辣小龍蝦，臘味糯米飯。
蔬菜區有新鮮蔬菜，解膩一流，淨係蔬菜選擇已經有數十款。
總結
大期大愛既火鍋放題
野食質素同款式都好多
飲品款式多 有珍奶 有酒
大推和牛、菜、乳鴿、新羊腩煲湯底、蛇羹、糯米飯
張貼
