蜀香 (已結業)

上oR見到蜀香嘅擔擔面有好多好評，於是就去試試。午餐有幾款可揀，我就揀咗擔擔面+口水雞。先講口水雞，超肥，醬汁就預咗勁多辣油，但我講嘅肥係指隻雞，勁肥，無乜肉咁滯！雖然多辣油，但唔算太辣，但又唔夠惹味。失色。到個出名擔擔面，一上枱，阿姐就吩咐要即刻撈，凍咗撈唔到。我咁聽話，當然放低手上嘅電話，即刻撈，撈嘅時候平平無奇，完全睇唔出係辣得咁利害！第一口已辣，仲要越食越辣，飲水都減唔到辣，由口唇辣到喉龍，真係甚麼味道也被辣蓋過。麵條似自家手打，幾滑，又彈牙！但實在太辣，份量咁少都無法完成！