傷心酸辣粉 (已結業)

心血來潮，突然好想食辣嘢，放工約埋男友大人去一直好想試嘅傷心酸辣粉買外賣。(因小女子一食辣嘢就會無限爆汗，所以喺屋企食冇咁失禮)一去到都大概7:00，個場都係唔爆，仲有好多枱...不過唔好理咁多....睇吓個餐牌先....小食都好多款吓...而且仲有餐類，好目不暇給，經過我同大人一輪拉鋸戰...決定叫酸辣粉(中辣)、夫妻肺片(中辣)、蒜泥白肉同泡椒翼尖。一返到屋企，攪一輪都隔咗成大半個鐘先開餐，因為外賣容器係可以入微波爐，所以叮番熱個酸辣粉，而其他都冷盤。先講個酸辣粉，雖然真係索晒啲湯，比較脹而且仲冇咁彈牙，不過味道仍然非常之好，酸辣味好夠，麻度十足，而且裡面仲有啲肉碎、花生同炸菜真係好野味，連唔怕辣嘅大人都讚不絕口，一邊食一邊話辣得好爽。夫妻肺片有爽爽牛肚絲、牛脷片、牛"月展"同啲辣油、辣粉、香料同大量芝麻撈埋，辣味感覺直接上頭，即時標汗....蒜泥白肉好香蒜味，帶小小甜味，肉質香滑柔軟，不過略嫌啲蒜泥唔夠蓉，有啲仲係粒狀，影響口感。泡椒翼尖初時食落只有酸酸哋同只有辣椒香...不過唔洗5秒啲辣就由脷尖湧入喉嚨，應該係青色嘅沉泡辣椒發揮作用.....真係好滋味。成晚真係越食越興奮，汗不