影片
更多
2011-04-16
17 瀏覽
baby生日,佢鍾意食西餐, 我上openrice search過, 見到名仕餐廳好似幾多好評, 所以就帶佢來試下, 結果覺得都值得一試, 環境好靚, 服務都唔錯! 但係我一心想食半自助晚餐,結果就冇食到,留返下次!門口有少少難搵, 因為唔顯眼又在轉角位, 要去café問左店員先搵到!入到去,真係有歐陸 feel,全場都係藍金色tone,感覺好華麗,仲有水晶吊燈同埋台面有蠟燭,幾有情調,好適合約會。可惜生意一般,我地7點入座, 都只係得10個客左右, 有3個員工!可以想像service應該好貼心! 一坐低已經有水飲有menu, 服務非常快速, 由於我地未來過, 叫左好好笑容既waiter哥哥介紹俾我地,佢都好有心機講解, 隔左一陣仲拎長條形好味麵包俾我地食。介紹完之後佢都俾時間我地再睇下menu先order, 見到有個tasting menu主菜係羊, 羊癡baby諗都唔諗就決定order, 成800幾蚊哦,我心諗如果唔好食點算! 見個menu好似幾多野食, 所以我本人只係order左一客法國火腿伴沙律! 我個order就好快有得食, 可能因而唔使煮, 10分鐘都未夠就到左, 另一個w
baby生日,佢鍾意食西餐, 我上openrice search過, 見到名仕餐廳好似幾多好評, 所以就帶佢來試下, 結果覺得都值得一試, 環境好靚, 服務都唔錯! 但係我一心想食半自助晚餐,結果就冇食到,留返下次!
門口有少少難搵, 因為唔顯眼又在轉角位, 要去café問左店員先搵到!入到去,真係有歐陸 feel,全場都係藍金色tone,感覺好華麗,仲有水晶吊燈同埋台面有蠟燭,幾有情調,好適合約會。可惜生意一般,我地7點入座, 都只係得10個客左右, 有3個員工!可以想像service應該好貼心!
一坐低已經有水飲有menu, 服務非常快速, 由於我地未來過, 叫左好好笑容既waiter哥哥介紹俾我地,佢都好有心機講解, 隔左一陣仲拎長條形好味麵包俾我地食。介紹完之後佢都俾時間我地再睇下menu先order, 見到有個tasting menu主菜係羊, 羊癡baby諗都唔諗就決定order, 成800幾蚊哦,我心諗如果唔好食點算! 見個menu好似幾多野食, 所以我本人只係order左一客法國火腿伴沙律! 我個order就好快有得食, 可能因而唔使煮, 10分鐘都未夠就到左, 另一個waitress知我地share食, 上菜時自動俾埋兩隻碟同多1set餐具。火腿鹹鹹香香, 不過10片都冇, hk$288真係太貴…個蜜瓜沙律又清甜, 好快就ko晒… baby個 set 就一道道咁上菜, 頭盤帶子沙律都好快上台, 帶子幾好味又大隻。 跟住有個”香辣乳鴿” (西餐有乳鴿???) 我唔食辣所以冇試, baby話唔係好辣但又幾入味喎!仲個忌廉湯, 上面有黑魚子, 味道普通但有黑魚子令佢矜貴好多。食完之後, 主菜”寶雲酥羊柳伴蒜香薯蓉”隔左10分鐘先上, 都ok啦,可能知道我地就快食晒先再煮。上台都燒得幾香，baby話入囗外層就脆，內層就多汁，都幾好味, 我怕羶所以都只係試左一啖, 好似又唔太羶丫, 個蒜香薯蓉就好好味喇, 俾我食晒, baby冇份!最後仲有蘋果批同雪糕做甜品, 蘋果批熱辣辣幾好味。
埋單連加一要千二蚊, 唔係太多食物落肚, 只係剛好夠飽來講, 其實幾貴, 不過只係好間中一次,算啦! Waiter哥哥俾左張form我地申請做會員, 話以後有8折, 都好丫, apply又唔使錢。
p.s. 臨走時發現(偷聽到) 用citibank credit card食半自助餐有7折優惠, 每人可以平百幾二百蚊! 另外都仲有其他credit card有折, 詳情可以訂位時問問店員
張貼
