Garrett Popcorn (已結業)

今晚我們喺元朗形點食完晚飯之後，行出嚟見到間叫「Garrett」嘅爆谷專賣店，所以表姐就話不如去買嚟食！喺揀緊要咩味嗰陣，見到喺店旁邊有個製作工場，可以清楚睇到他們製作爆谷嘅過程，而且環境亦相當乾淨衛生！至於味道我們就揀咗焦糖味爆谷，爆谷嘅香脆度十足，味道相當香甜濃郁，而且一層厚厚又香甜嘅焦糖完全包著整粒爆谷，我們係揀咗紙袋包裝，將爆谷放入個紙袋入面，而且塞到滿滿咁，就算放咗幾個鐘或第二日先食，都唔會變腍，仍然係咁脆卜卜，真係好正呀！