Espresso Alchemy (已結業)

超失望的咖啡同班臺灣咖啡朋友去完蘭香圓朝聖之後覺得失望至極，同時行過Espresso Alchemy 發現原來佢用部黑鷹咖啡機同 Malhkonig Grinder，見兩部都係 靚野，就打算飲杯咖啡補反數，於是就坐低左。我兩個朋友一個叫左杯 Americano， 另一個叫左杯Espresso，而我自己原本打算叫杯drip。Order既時候，佢地話我知佢地要通過測試0既員工先可以冲drip & Syphon 尼兩種，而咁岩無相關咖啡師係到，於是我又叫杯Espresso。等左成15分鐘，中間聽到佢地重煮左5-6次，覺得佢地對品質好有要求，就開始對杯咖啡有相當0既期望。點知，佢地用10幾萬0既機，重煮左5-6 次，竟然煮杯連 Crema 都散左一半咳 espresso 比我地，真係又失望到極點。我知道 Crema唔一定係評定一杯咖啡0既標準，但係薄到見到黑色部部分我只可以認為D豆好唔新鮮或者技術超級差。咩都好，咁0既咖啡都比客，我寧願你同我講叫我叫另外D野飲好過。