Have A Date (已搬遷) 新店位置

睇過食評，好吸引，想來好耐了！之前約埋同事想來食早餐，但眼見非常多人！為免要等位，今次專程11:45來，食個early lunch 。A1就係我想食嘅餐了！疫情時期，餐廳都好注重衛生，餐具放於盒內，有張紙寫住，提醒食客，取餐具後要蓋好盒蓋。另外，枱面有消毒噴手液，很貼心！二人限聚令之下，二人一枱，間隔分明。食物方面，蜜糖雞翼真係好好味，令人非常回味！黑松露炒蛋，很有口感！蒜蓉多士也很美味！總的來說，食物很有水準！