譚仔三哥米線

營業中

休息中

銅鑼灣希慎 開咗譚仔三哥，返工食晏就多一個選擇吧。不過lunch time勁多人叫外賣，加上鋪面人手唔多，經常要等好耐，中過兩次伏，都甚少再叫。今晚好夜收工，趕喺阿姐收舖之前，成功叫到最後一個餐。蕃茄豬膶竹笙薯粉，係我最想食嘅配搭。豬潤少少過熟，竹笙好吸湯，簡單食個薯粉，就係放工之後最好嘅晚餐。另外口痕再加多個皮蛋，一個人其實份量有啲多，如果可以減半分就好啦。