影片
更多
2009-12-07
4 瀏覽
平時為為食食, 都係時候的起心肝打食評同網友分享下~早幾日路過紅磡, 朝早飲完茶4點左右又肚餓, 係時候搵個地方落腳醫下肚。 由於平時少去紅磡, 淨係識得去紅館個邊, 又懶得周圍兜, 所以最終選擇左鄰近國際都會商場。 本來想食越南野, 但點知行到去門口, 黑媽媽咁, 入面又冇客, 仲要搵個牌棟正係門口 (雖則寫住下午茶套餐), 見到仲邊有胃口啵, 所以行多兩步, 去左隔離間【金圓軒】…打開個menu, 都尚算幾多野食既, 有下午茶餐, 又或者可以係主menu嗌野食送指定餐飲 (e.g. 茉香奶茶, 珍珠奶茶, 柑桔綠茶等), 同朋友仔掙扎完一輪之後, 終於有決定啦:我: 金蒜棒棒雞 + 熱柑桔薑母茶朋友: 豬軟骨竹筒糯米飯 + 芒果沙冰5分鐘多d, 首先送上金蒜棒棒雞, 原來係雞鎚, 另外配上類似M記脆香雞翼既雞醬, 味道其實唔錯既, 炸過既蒜蓉夠香口, 只係略嫌普遍左少少, 冇乜大驚喜! 相反, 友人嗌既豬軟骨竹筒糯米飯就好香啦, 未埋到枱已經聞到啦! 除左有5,6舊豬軟骨外, 仲有幾舊白蘿蔔, 兩者都夠稔夠入味, 而且d糯米飯都煮左竹筒既香味, 唯一要挑剔既, 如果d糯米飯煮得乾身
早幾日路過紅磡, 朝早飲完茶4點左右又肚餓, 係時候搵個地方落腳醫下肚。
由於平時少去紅磡, 淨係識得去紅館個邊, 又懶得周圍兜, 所以最終選擇左鄰近國際都會商場。 本來想食越南野, 但點知行到去門口, 黑媽媽咁, 入面又冇客, 仲要搵個牌棟正係門口 (雖則寫住下午茶套餐), 見到仲邊有胃口啵, 所以行多兩步, 去左隔離間【金圓軒】…
打開個menu, 都尚算幾多野食既, 有下午茶餐, 又或者可以係主menu嗌野食送指定餐飲 (e.g. 茉香奶茶, 珍珠奶茶, 柑桔綠茶等), 同朋友仔掙扎完一輪之後, 終於有決定啦:
我: 金蒜棒棒雞 + 熱柑桔薑母茶
朋友: 豬軟骨竹筒糯米飯 + 芒果沙冰
5分鐘多d, 首先送上金蒜棒棒雞, 原來係雞鎚, 另外配上類似M記脆香雞翼既雞醬, 味道其實唔錯既, 炸過既蒜蓉夠香口, 只係略嫌普遍左少少, 冇乜大驚喜! 相反, 友人嗌既豬軟骨竹筒糯米飯就好香啦, 未埋到枱已經聞到啦! 除左有5,6舊豬軟骨外, 仲有幾舊白蘿蔔, 兩者都夠稔夠入味, 而且d糯米飯都煮左竹筒既香味, 唯一要挑剔既, 如果d糯米飯煮得乾身d就好啦…
飲品其實都有d驚喜! 友人勁愛佢嗌個杯芒果沙冰, 的確, 好濃既芒果味, 仲有多過1/3杯既蒟蒻, 勁有口感! 不過本人都係鍾愛熱飲, 尤其愛台灣既薑母茶, 今次呢杯熱柑桔薑母茶都冇令我失望, 真係好夠薑同埋好暖笠笠, 只可惜柑桔味未如想像咁濃…
食物飲品其實都ok既, 只係service真係有待改善, 個waiter單都唔睇就落飲品, 就算個老闆出聲提佢, 佢都依然唔知… 睇怕佢都係雲遊緊….
如果下次有機會再過路, 或者都想試下佢個”金絲麵”….
張貼