百樂門宴會廳 (已結業)

選擇喺呢間酒樓擺滿月酒，簡直係最錯誤的決定。首先，間出嚟個廳好細，擺完3圍枱後得返條巷行，想搵個位影大合照都無。第2，職員迫人切自己買去嘅蛋糕，我地只不過想喺"有個靚蛋糕做陪襯下同bb影下合照”，人多又迫嘅情況下，爸媽同bb嘅合照都未影到，啲職員就狂催我地切蛋糕，因為趕開席(其實我地先係主人家，我地都無話趕開席，都唔知佢地趕咩?!不如話我地阻佢收工好過)，最後，我要就啲職員，所以叫先雪起蛋糕一陣再影。之後，開席唔serve主家席先，明明主家有鋪紅枱布，都唔明點解會渴死主家席都由佢，野飲拎去隔離枱先。上菜又上隔離先，我話完D待應，佢地都係唔serve主家席先。好啦，拿拿臨倒水咁上哂菜，之後又迫我地切蛋糕心，仲要拎埋把刀出嚟準備切，呢一刻，我地未同bb影到一家3口嘅合照，佢又話要切蛋糕，我真係噴血咁滯，我就話我帶走唔切先保得住個蛋糕(其實個蛋糕我地買嘅，幾時切點解唔係我地話事?)。啲菜式係點，無乜特別，不過不失，價錢亦唔係特別平。不過，服務態度令人畢生難忘，成件事，我只覺得我地擺酒食飯食蛋糕係阻住班職員收工，我地擺酒都係想開開心心食下飯高興下，點知職員完全掃興，完全趕客。