囍 (已結業)

午餐去食呢間，響宏利金融中心即係碼頭邊。都算行得遠架，不過貪佢多卡位，開揚舒服唔趕客。一貫打工仔都係襯 lunch time叉叉電架啦，所以我一般都會揾間好坐D，俾我可以脫離現實 45 分鐘。佢餐牌有呢D，其實講真响觀塘區唔算貴，仲要係咁既裝修，算實惠，可惜.......我叫左lunch set 海鮮烏冬，有圖有真相。真係見到都嬲！我都唔要求好好味，但唔該都俾D食得既野人地啦！蝦，一望就知唔食得。青囗，好腥。魷魚，霉的。連蟹柳都好似發曬水咁。得烏冬、粟米同芽菜可以食。但望住果D霉曬既海洋生物屍體都已經飽左。真係嬲 ！