蟹膳 (已搬遷) 新店位置

午間搵食貼士：近大時大節一定要訂枱今日同事話慶祝暹完假，話要食餐好嘅，但又唔想咁滯，所以諗到食蟹。我地叫咗蟹肉火鍋餐，必定要2人起的。前菜係蟹肉海膽湯同燒蟹腳，個湯雖然細杯，但有好大嚿海膽，隻蟹腳一啲都唔細，係有2隻筷子粗的，所以好多肉，仲有火候剛好，唔會乾到食唔到。到個火鍋，先食蟹同菜，職員特別提一個鍋煮菜，一個鍋煮蟹，因為最後用煮蟹的鍋煮蟹粥。個火鍋係自己煮的，但最員會細心留意，幫手加水，唔使提佢地。蟹肉每人3至4件，加上一大盤菜，份量十足。最後職員用蟹蓋煮蟹粥，仲會問粥想要稀定稠，好細心呀！個粥係神緒所在，食咗就大滿足啦！最後仲有雪糕，咖啡雪糕中有咖啡啫喱粒，真係非筆墨所能形容。