夢工房西日料理 (已結業)

今日約咗一位朋友食生日飯經過同事熱烈嘅推介我哋決定去葵芳食放題因為知道餐廳有生日優惠！！所以特登再訂埋平的時段八點半！果然同事係冇介紹錯真係好平啊食埋生蠔同松葉長腳蟹！每人都只不過係＄210超抵食份量又多！完全冇欺場！絕對要推介下呢間餐廳！  睇一睇個長腳蟹同生蠔先！食落去生蠔係新鮮兼好大隻係甜嘅！正呀！鍾意食生蠔嘅一定要加任食生蠔啊！我個人就比較喜歡食長腳蟹，長腳蟹都非常新鮮，絕對冇雪味！仲有重點係真係長叫長有架！咁先抵食架嘛！做刺身嘅選擇都幾多，都有成十幾款架！推介會係三文魚刺身墨魚片刺身！都新鮮~不錯!揚物都唔錯比較有驚喜嘅係紫心香芋丸真係好煙靭！大家都可以試吓～日式吉列蠔都唔錯架！一品料理都唔錯！我會推介嘅係秘汁魷魚鬚⋯有少少辣嘅！辣得過癮！然後燒汁炒牛肉都唔差:）清酒煮蜆亦都係好味嘅！哈哈 唔夠飽嘅話可以食埋日式蟹肉粥，清清地都幾好架天婦羅方面真係要推介一下香蕉天婦羅真係好有趣呀！外脆內軟嘅感覺都幾得意同埋要嗌大蝦天婦羅啦！酒方面都有幾款選擇！有紅酒！不過食日本野梗係叫咗支清酒飲得走啦！叫得酒就叫埋枝豆！枝豆配酒真係正呀！yoho~~嘢飲同埋甜品都係任攞架!其實真係食到好飽!