131
49
18
港鐵葵芳站 A 出口, 步行約1分鐘
電話號碼
26289636
特色
包場派對
營業時間
星期一至日:11:30-16:00; 17:30-23:00
付款方式
Visa Master 現金 八達通 其他
座位數目
150
其他資料
VIP房 詳細介紹
加一服務費
電視播放
吸煙座位
優惠
食評 (211)
新晉食家 2016-08-12
2034 瀏覽
每晚回家經過都見到裏面坐無虛席,今晚決定跟媽媽去撐枱腳。選擇的類別有很多,除了有火鍋外,還可以加錢任食松葉蟹和生蠔,好抵。魚生方面,三文魚肥美,甜蝦鮮甜,帶子有口感。松葉蟹的肉是一梳梳的,有鮮甜味。炸物方面,紫心香芋丸很好味,酥脆的糯米外層很煙韌,中間的香芋蓉又不會很甜,推介。 大蝦天婦羅很彈牙,炸皮不會很厚。燒汁炒牛肉的味道好,肥瘦適中,而且牛肉不會煮得很老,很入味。 朱古力燒餅必食,燒餅不會很油,咬下去是酥皮的口感,外層脆,配上朱古力醬,甜甜的,與燒餅很夾。火灸壽司方面,其中火灸黑松露帶子壽司,帶子經火燒後依然很滑,配上黑松露,為味道單調的帶子,增添一份餘香。另外火灸xo醬和牛壽司,牛仔不會燒得很老,加上xo醬,令牛肉更野味。火鍋方面,肥牛肥瘦適中,最估不到的是有燒賣,不是那種麵粉燒賣,是有口感的魚蓉燒賣!全晚最喜出望外的是甜品,種類很多,有芝士蛋糕、泡夫、和菓子、百褔豆腐花、雀巢雪糕、乳酪、啫喱和布丁,還有出名的韓國雪條和懷舊孖條。必食的是椰子香芋雪條。後記:唯一有待進步的是叉燒拉麵,拉麵煮得有點硬。 繼續閱讀
(以上食評乃用戶個人意見 , 並不代表OpenRice之觀點。)
放題有生蠔食 焦點食評
卓越食家 2016-08-08
1098 瀏覽
今日朋友生日,帶我去了葵芳的,夢工房西日料理食放題,原價178元,另外加78元任食生蠔和松葉蟹。三文魚,墨魚片,吞拿魚,甜蝦,立魚,柱貝刺身,都正常新鮮,生蠔好肥美,脹鼓鼓厚肉, 加上茄汁檸檬非常惹味,加78元任食好超值,松葉蟹並不如長腳蟹味道,比較淡而無味,應該點松葉蟹棒天婦羅,不用拆壳,又食得方便。除左生蠔仲有燒蠔,燒蠔有2款選擇,一款黃金燒蠔,一款蒜香燒蠔,前者芝士和沙律醬,帶甜味,後者蒜蓉和煙肉,比較配燒蠔,味道較濃,朋友和我都追加蒜香燒蠔2隻。燒菠蘿香甜,解膩,如果大件些更好。小食,叫左枝豆,中華沙律,八爪魚,七味温泉蛋-好滑好流心蛋黃,日本梅酒- 有香甜梅味,係放題之中唔常見,配上精緻小酒杯,突然覺得有些韓feel.創作壽司,味道正常,手握細細件幾好,唔會易飽。清酒煮蜆,蜆新鮮個清酒湯都好味,有少少沙。燒羊架好香脆,唔羶追加左2件,炸魚柳有一層蛋醬係面,都好食啖啖肉。食得出自己制作,蝦膠加左些香料香味,以麵包糠炸成,味道一流。飲品自助取,有樂天的,道地,啤酒,仲有汽水機。清酒,梅酒,紅酒都係任飲。甜品掛住食,忘記影,有百福豆腐花,鮮果蛋糕,芝士蛋糕,雪糕,朋友生日有8折,結脹481元2位 值回票價。 繼續閱讀
(以上食評乃用戶個人意見 , 並不代表OpenRice之觀點。)
夢工房西日料理 焦點食評
新晉食家 2016-07-30
2473 瀏覽
番左成個禮拜工,決定要對自己好d,於是就決定放工約埋男朋友去食放題,响葵涌一帶行左一陣,決定唔到食西式定日式,咁就食西日合壁啦!決定去夢工房西日料理啦!去到大約7點左右,已經好多人等緊枱,本身仲以為有排等,點知唔駛10分鐘就有枱。一坐低第一時間睇menu剔野食,選擇十分多,有拉麵,燒物,天婦羅,熟食等等,飲品甜品雪糕自取,飲品有汽水,果汁,維他奶等等。食放題最重要嘅就梗係刺身啦,每盤刺身都會有大量嘅碎冰墊係底,送到上枱時都仲保持到新鮮。我哋叫咗啲自己比較鍾意食嘅刺身,有三文魚啦、魷魚、長腳蟹等,三文魚顏色好有光澤,而且肉上面嘅紋路清晰,厚切食起來十分有口感,覺得肥美鮮甜,感覺有好豐富嘅魚油味。魷魚刺身,口感唔錯。甜蝦刺身好大隻,蝦肉嘅味道好鮮甜。長腳蟹刺身,望落好新鮮。所以食刺身之前一定要飲啖茶清下口腔其他味道,唔係會食唔出刺身的味道。鹽燒雞翼好有水準,香味撲鼻,雞翼嘅肉質好有彈性,唔會燒到乾哂。芝士焗生𧐢送到上泥個時芝士仲滾緊,可以新鮮滾熱辣咁食,肉眼已經見到好多芝士,生𧐢的size可以接受,而且肉質好有口感,正。海鰻壽司鰻魚同芝士味道好夾,而且芝士唔會太搶味,鰻魚鮮甜。和風燒雞軟骨煎得好香,而且唔肥,好爽口。雖然有好多客人,但係員工快手有禮,所以佢上菜都好快,落完order幾分鐘就將食物送到,張枱任何時候都係放滿食物,而且員工嘅服務態度都好親切友善,值得得推介。 繼續閱讀
(以上食評乃用戶個人意見 , 並不代表OpenRice之觀點。)