元気寿司 (已搬遷) 新店位置

難得早放工，好想去食一個悠閑下午茶。食日本野，梗係諗起元氣啦，五點之前仲有特別優惠嘅套餐，真係好懷念，因為以前成日都有機會食到，隨着工作忙碌已經冇機會再食啦。其實我個人覺得真係非常抵因為要50幾蚊嘅價錢有三樣嘢食，仲可以揀烏冬或者燉蛋。另外小食都有幾款選擇，可以任擇其一。主食方面就係壽司，其實幾個set都好吸引。烏冬入口彈牙，一小碗嘅份量對於女孩子亦都非常飽肚。特別想一陣炸蝦卷。即叫即炸，即刻炸得香脆。三文魚刺身反而不算太過新鮮。喺新都會廣場，以呢個價錢食到多元化嘅食物，食物質素雖然唔算話太過出色，但係性價比非常高。