16 Shell (已結業)

今晚同男朋友一齊食晚飯。16 Shell新出左一系列莞茜入饌既食物，我地梗係要叫黎食啦。首先食黑炭黑蒜蓉包先，個包外脆內軟，除左有蒜蓉香，亦都有啲甜味，好味。莞茜海蜆意大利麵份量十足，蜆既數量好多，意大利麵煮得岩岩好，估唔到用莞茜煮意粉好夾，好出色。莞茜酥皮蝦比薩批 (6吋)好特別，pizza用酥皮黎整，但都唔會油膩，而蝦十分新鮮，配合莞茜、芝士又係好食之選。夏威夷蒜油蝦飯係老闆係夏威夷食過之後覺得好好食，所以帶返黎香港。蝦炸過變得香脆又大大隻，白飯用蒜油撈過，雖然邪惡但唔理得甘多，真美味。 飲品叫左兩杯Cocktails: Popcorn同Whiskey Sour。Popcorn 有啲似飲緊Tiramisu，但後勁酒味好出。Whiskey Sour杯沿有砂糖，味道酸酸甜甜，好易入口。