影片
更多
2024-01-04
704 瀏覽
聽朋友講過荔枝角工廈有間唔錯嘅泰國菜餐廳，呢日放假，帶埋媽媽過去試吓，估唔到呢晚食嘅每款菜式都咁高水準，媽媽對呢餐飯表示十分滿意。泰式火山骨火山骨一上枱就好震撼，每支骨嘅長度都有成隻手臂咁長，豬肉食落肉味香濃又juicy，一啲都唔嚡，淋埋底下嘅汁料同吃，酸酸辣辣，好開胃，令人忍唔住食完一啖接一啖。另外，餐廳亦有提供手套，方便食火山骨，十分細心。黃咖哩海鮮海鮮新鮮，雖然看上去細細一盤，但其實份量都唔少，當中有魷魚、蝦、魚柳同青口，咖哩甜甜哋又辣辣哋，好惹味，送飯送薄餅一流。蒜蓉包蒜蓉包外脆內軟，蒜蓉牛油落得適中，食落味道剛好但又唔會膩，用嚟點咖哩汁食，真係好夾好好味。泰式蝦餅蝦餅食得出好足料，除咗爽口彈牙嘅蝦膠之外，亦食到一粒粒蝦，加上外層酥脆，口感很好。招牌泰式奶茶泰式奶茶飲落甜度適中，配上香濃嘅茶味同奶味，比例啱啱好，好正。泰式青檸蜂蜜估唔到青檸加蜂蜜呢個組合都幾夾，成杯飲品既滋潤又清爽。椰皇三重奏呢款甜品好有驚喜，係必食之選，甜品最底層係椰皇啫喱，中間係椰子奶凍，最面頭就係烤過嘅椰子碎，味道少甜，椰味香濃，口感豐富，食完重口味嘅泰國菜，再食呢款甜品好refreshing，為我哋呢餐
泰式火山骨
火山骨一上枱就好震撼，每支骨嘅長度都有成隻手臂咁長，豬肉食落肉味香濃又juicy，一啲都唔嚡，淋埋底下嘅汁料同吃，酸酸辣辣，好開胃，令人忍唔住食完一啖接一啖。
另外，餐廳亦有提供手套，方便食火山骨，十分細心。
黃咖哩海鮮
海鮮新鮮，雖然看上去細細一盤，但其實份量都唔少，當中有魷魚、蝦、魚柳同青口，咖哩甜甜哋又辣辣哋，好惹味，送飯送薄餅一流。
蒜蓉包
蒜蓉包外脆內軟，蒜蓉牛油落得適中，食落味道剛好但又唔會膩，用嚟點咖哩汁食，真係好夾好好味。
泰式蝦餅
蝦餅食得出好足料，除咗爽口彈牙嘅蝦膠之外，亦食到一粒粒蝦，加上外層酥脆，口感很好。
招牌泰式奶茶
泰式奶茶飲落甜度適中，配上香濃嘅茶味同奶味，比例啱啱好，好正。
泰式青檸蜂蜜
估唔到青檸加蜂蜜呢個組合都幾夾，成杯飲品既滋潤又清爽。
椰皇三重奏
呢款甜品好有驚喜，係必食之選，甜品最底層係椰皇啫喱，中間係椰子奶凍，最面頭就係烤過嘅椰子碎，味道少甜，椰味香濃，口感豐富，食完重口味嘅泰國菜，再食呢款甜品好refreshing，為我哋呢餐作完美終結。
張貼
