蝦蝦燒

營業中

休息中

荃灣大鴻輝出名多正嘢食，今次我地去咗間任食海鮮燒肉嘅餐廳，呢度只要$348就可以食到多款海鮮、串燒同甜品🤩。一入到嚟，就見到海鮮檔擺放咗扇貝、帶子、魷魚🦑、鮑魚、生蠔🦪、沙白蜆、黃花魚🐟等等海鮮。另一邊有個大雪櫃放咗超多款式嘅串燒同肉類，有沙薑雞翼🐤、蒜蓉雞翼🐤、黑椒雞翼🐤、豬髀仔🍗、羊架🐑、叉燒🐷、豬頸肉🐷、雞皮🐤、鴨胸🦆、豬大腸🐷、芝士丸🍡、腸仔、菠蘿🍍等等。坐低座位後，店員會教我哋點樣燒大頭蝦同教我地用電爐，上層放海鮮下層燒串燒，然後就送上一碟燒白鱔俾我哋🐟，燒完外皮香脆 ，肉質Q彈，加埋甜甜嘅醬汁超好食呀😍！係度可以睇住大頭蝦喺水缸入面游嚟游去🦐，非常生猛。拎住冰桶喺出面加冰🧊同水💦，然後夾起大頭蝦放喺冰水入邊，凍暈佢之後就可以燒。燒完嘅大頭蝦外皮脆卜卜，肉質爽彈而且蝦頭有膏好正😋。🩵海鮮推介🩵▫️生蠔：加啲蒜蓉放喺生蠔上面燒🦪，燒完嘅生蠔仍然飽滿多汁！▫️鮑魚：燒之前記得將鮑魚同殼用鉸剪分開✂️，如果唔係燒嗰時會彈起身🙈！鮑魚新鮮識郁架，口感爽口彈牙，沾豉油食鮮甜味出晒嚟😍！▫️扇貝：扇貝最鍾意食有橙色膏🧡，加啲蒜蓉牛油🧈同豉油食，好好味。出面仲有粉絲拎，自製蒜蓉粉絲扇貝都得～🧡串燒