金鳳大餐廳

營業中

休息中

諗起鋸扒就諗到去舊金鳳，今次叫左牛柳餐及什扒餐。先黎餐飽，餐飽暖暖地，係一個櫃桶度拎出嚟，算ok啦。餐湯，白湯內D粟米蓉一堆堆怪怪地，白湯同紅湯都算ok啦。牛柳方面，冇乜味，牛柳應該有2cm厚，叫左5乘但睇落7乘，但絕對唔關鐵板事，因為牛柳底有薯條及菜隔住鐵板，D菜都唔見得燶咗，算ok啦。什扒就伏伏地，牛扒、朱扒、火鷄扒及腸仔，全部扒都無乜味，但勝在大大件（除咗火鷄扒）。最後杯飲品，杯飲品超細杯，熱飲的話一啖都冇左三分一，凍飲唔知有冇250ml，絕對絕對唔可以解渴。價錢方面都唔係平，所以性價比算中中間間。每次入去都係想食個環境，同埋易搵位。