View 62 by Paco Roncero (已結業)

Item: View 62 by Paco Roncero
Rating: 3
Author: 奧志雷

3.5

33 食評

味道

環境

服務

衛生

抵食

430

灣仔

$401-800

西班牙菜 Fine Dining 西餐廳

奧志雷

等級4

好想食西班牙燒乳豬呢，試左幾間餐廳都強差人意，我要食高質皮香肉嫩既乳豬呀 ﹗由北區搵到港島區，搵到黎 View 62，過埋海希望搵到真命天子啦 ﹗

好耐無出城食飯喇 ﹗今晚仲要過海添，勁開心 ﹗終於有位朋友仔陪我走到老遠試菜啊 ﹗次次都係成團朋友出黎飯局，但今晚有幾個放飛機，搞到自助餐取消 ﹗無所謂，得我兩個都可以照食之麻，轉去食西班牙菜，我想黎好耐架喇。

朋友仔未到，我先入座吧。食客不是太多，環境都算寧靜舒服。無敵海景連山景，360 度全景觀既旋轉餐廳，幾得意。

有點口渴喇，叫杯特別既餐前酒邊飲邊等，拍拍照、望望風景、睇睇 menu。剛才坐低都仲係山景，依家差不多轉到海景喇 ﹗哈哈。

辣西瓜馬天尼，堅辣唔係講笑，喉嚨有點熱力直達腸胃，有少少冒汗，加上西瓜汁既清涼好特別又好飲！朋友仔終於趕到，終於有朋友仔陪我黎試西班牙菜，餐廳即時送上杯 welcome drink，thank you。

係時候點菜喇，今晚我最想試既係西班牙乳豬、西班牙海鮮飯 ﹗我一貫作風，先黎個前菜，跟住湯、主菜、甜品，夠晒滿足。菜色都幾特別，花多眼亂，唔知試咩好添。

忌廉伴鵝肝凍批及牛肝菌，配搭新穎有創意亦有趣︳特別就特別喇，不過質感同味道都較為普通，沒什麼驚喜既地方。可能溫度偏低，所以食材未能發揮其強烈而獨特的氣味，使舉使到食味大跌，鵝肝及牛肝菌階是。

忌廉牛油八爪魚，唔講真係唔知是什麼，原全被醬汁所覆蓋。濃厚奶油忌廉味道，處處飄香。薄薄八爪魚片嚥韌中帶點脆口，咸香跟奶油味道非常配合，而且泛著一絲的甜味，蠻滿意啊。

餐包配牛油，侍應建議可以配剛才的忌廉牛油八爪魚汁同吃，非常美味的呢 ﹗我就信下您啦，毫不猶豫、不需矜持，將餐包捲上大量汁夜掉在甜尖上翻騰 ﹗嘩，無介紹錯，無吹虛，果然好味 ﹗而且麵包好新鮮，帶著濃厚麵包香味，好食。

西班牙龍蝦飯，原來依度係無西班牙海鮮飯架，無緊要，食龍蝦更加好添 ﹗餐廳主打傳統西班牙菜，味道都係偏向濃烈及霸道 ﹗依個龍蝦飯既龍蝦汁超乎想像地濃郁及強烈，味道非常好到不得了，龍蝦味道既餘韻拈據著每顆味蕾，久久都不肯離開，不過確實好有點膩滯感湧上心頭。飯粒飽滿嚥韌，配上極爽彈鮮味龍蝦肉，好味到打冷震。

西班牙燒乳豬，我就係為左佢而遠道而來 ﹗等左足足 60 分鐘終於燒好，值成九百幾蚊既乳豬會係點呢？兩個人絕對食唔晒，一陣打包半份返總部同大家分享啦 ﹗新鮮出爐皮香肉嫩，但今晚隻乳豬太肥喇，一定食完就瞓、瞓醒就食、食飽又瞓啦，不怎麼做運動，不太健康 ﹗

侍應哥哥話係已經係今晚最後一份架喇，唔要就無嚕 ﹗肉香而有咬口有彈性，肉味濃郁，但因為十分油膩，食兩件已經好滯頂住食唔落喇 ﹗雖然有個橙皮醬能夠減輕油膩感覺，但幫助不大呢 ﹗

餐廳細心地將乳豬汁分開上，Waiter 哥哥詳細解譯話唔想浸到乳豬皮腍左而影響口感，讚。配菜焗新薯好好味，做得一絲不苟不馬虎。無奈地食左兩件乳豬已經太滯，食唔落新薯啊 ﹗試過之後，似乎大埔文薈會館既更好食，皮香肉嫩又 juicy，身材勁好唔肥膩，View 62 依隻麻麻地。

餐廳送既小甜品，白色超硬，用盡力先咬得開乍。前面既有點似花生果仁類，甜甜地。檸檬雪糕，睇左個甜品 menu 好耐，大部份都普通，依個算係最持別既一個喇 ﹗有個女甜品師係廚房衝出黎，用氮氣將雪糕凝固，外層脆而裡面軟，都幾得意 ﹗味道小小酸又帶甜奶味囉。

第一次撐檯腳，食飽飽，坐多陣休息下，影下相就閃喇，影幾張合照留念先。因為上次係諾士佛臺食唔到隻西班牙乳豬使我一直耿耿於懷，所以見依度有無敵開揚景觀咪試依間囉，旋轉餐廳個景真係好正，睇煙花一流，但有點失望。開心既時間好快過，坐到連餐廳都打烊喇。

有段小插曲，最初我地隔離檯班阿叔跟兩三個北姑都好正常係度食生蠔，飲紅酒飲烈酒，點知越飲越醉，越黎越嘈，仲要跳晒舞咁。全場都投以非常討厭既眼神注視著，餐廳經理即時走過黎問我地想唔想轉檯呀？唔好意思騷擾到您地食飯呀。無緊要，麻煩幫我地轉檯啦，Thank you。