更多
2013-03-31
2813 瀏覽
話說哩間餐廳上晒報紙又上埋東張西望，仲要係＄４０放題任食，見到平緊係要試試啦！去到門口竟然冇人排隊，心諗會唔會又中伏？但山長水遠黎到緊係要食下啦，唔係浪費埋車錢。入到去，有個女侍應都幾殷勤招待我地，講解＄４０放題有ｄ咩食（因為有款＄２０放題）。事不疑遲，得一粒鐘時間食，當然要爭分奪秒落ｏｒｄｅｒ啦！一黎唔敢叫咁多住，叫左２碟西多士，１碟薯條，２碟咖哩角，２個豬柳漢堡先。點知一俾張單個老細，佢同我地講只可以落一次單！一次？我第一次黎哩間餐廳咋！完全唔清楚ｄ分量係點，嗌得太多又食唔晒嗌得太少又唔飽，最後決定再要多２個焗飯同２份飛碟算。重點黎啦！！一俾啲單個老細，就好似踩親佢條尾咁，大大聲用埋啲悔氣態度讀晒你嗌左啲咩出黎（因個廚房對實出面啲枱，而個老細係負責煮野）荒死全唔世界唔知咁 仲要自己一路煮一路不停口翕翕咁講：食唔晒要每碟收返＄２０架！（注意：係不停不停地講)我都係想安安落落食餐放題姐，但完全係疲勞轟炸囉。加上你個女侍應一早已經講解左俾我地聽食唔晒要每碟收返$20，我地好清楚、好明白啦。唔講仲以為個老細就快蝕錢蝕到出現問題（講下笑）。終於有野食黎啦！好多熱辣辣既西多士同雞翼，味道都唔錯
入到去，有個女侍應都幾殷勤招待我地，講解＄４０放題有ｄ咩食（因為有款＄２０放題）。
事不疑遲，得一粒鐘時間食，當然要爭分奪秒落ｏｒｄｅｒ啦！
一黎唔敢叫咁多住，叫左２碟西多士，１碟薯條，２碟咖哩角，２個豬柳漢堡先。
點知一俾張單個老細，佢同我地講只可以落一次單！一次？我第一次黎哩間餐廳咋！完全唔清楚ｄ分量係點，嗌得太多又食唔晒嗌得太少又唔飽，最後決定再要多２個焗飯同２份飛碟算。
重點黎啦！！一俾啲單個老細，就好似踩親佢條尾咁，大大聲用埋啲悔氣態度讀晒你嗌左啲咩出黎（因個廚房對實出面啲枱，而個老細係負責煮野）荒死全唔世界唔知咁
仲要自己一路煮一路不停口翕翕咁講：食唔晒要每碟收返＄２０架！（注意：係不停不停地講)
我都係想安安落落食餐放題姐，但完全係疲勞轟炸囉。
加上你個女侍應一早已經講解左俾我地聽食唔晒要每碟收返$20，我地好清楚、好明白啦。
唔講仲以為個老細就快蝕錢蝕到出現問題（講下笑）。
終於有野食黎啦！好多熱辣辣既西多士同雞翼，味道都唔錯，但老實講呢啲好難整得難食既。
其他的咖哩角、飛碟同豬柳漢堡都不過不失。最恐怖先係個薯條同焗飯。
首先，個薯條鹹到好似落左成樽鹽咁，你係會見到成碟薯條都係閃下閃下既鹽粒，食左幾條已經再食唔到要放棄。
之後到個焗飯，第一啖食落去竟然有粟味！有怪味呀大佬唔係鹹咁簡單，食晒會肚痾架！
咁緊係同老細講唔要個焗飯啦！呢一刻我好肯定老細真係蝕到有病，佢大大聲話：有怪味？點會呢？我要試下先得！試完佢竟然話：飯有飯味，蛋有蛋香，完全冇問題！ｏｍｇ佢已經病到連個飯粟左都唔知啦！！佢再嬲嬲地串我地：哦.......係你地食唔晒唔想要咋!
當我肯定左老細真係蝕錢蝕到有問題既時候，我地都唔敢再惹佢，拿拿聲食晒所有唔知會唔會肚痾既食物，只想盡快離開肥嘟嘟茶餐廳。cry
張貼
