福元湯圓 (已結業)

身住黃埔,早已食過福元不下廿次 無可否應呢到既湯圓真係超好食(不過做得到如此'流沙' 一定落左好多豬油)已經有無數食友介紹過湯圓做得如何美輪美奐 所以一直冇打算多加一篇同樣既食評是晚突然'豆癮'發作 好想食傳統糖水 所以行多幾步路 又去探福元叫左一碗 凍喳喳 原本唔抱太大期望 第一未食過 第二唔係呢到主打 只係想止住心癮約等左一兩分鐘就黎到 外觀竟意想不到地對板喎! 夠大碗之餘 面層落左好多好多椰汁 望落就想食內裡用料同樣不欺場 固然有唔少眉豆,紅豆,芋頭呢幾種例牌材料 同時亦落左好多西米 食落唔會太稀太水 我最怕食到啲喳喳水滴滴的,好似煲唔透咁 呢到既火喉拿得唔錯 加上我凍食 所以糖水雪過後 理應更香濃更入味結論係 估唔到福元除生招牌湯圓外 其他傳統糖水都做得相當有水準 呢碗喳喳絕對係番吃之選 我諗下次黎會試下其他種類既糖水 可能又會發現新大陸