金鷺湖

營業中

休息中

餐廳服務滿分，職員會好主動上前幫客人添茶，加上喺湖畔享受住美景，心情都特別靚！流心鵪鶉蛋燒賣（三件） $78燒賣外層彈牙，內餡則是鵪鶉蛋的流心口感，非常美味！每一口咬下去時，燒賣內的蛋液會在口中爆開，帶來濃郁的蛋香味道。百花蘿蔔糕 $62外觀精緻，口感綿密，其中一面係釀蝦滑，半煎炸嘅蘿蔔糕外層非常香口，配自家製xo醬更加可口。鮮蝦紅米腸 $78紅米腸顏色好搶，一上菜已經俘虜咗我嘅心，腸粉皮薄煙韌，蝦我會用蝦球黎形容，彈牙兼且啖啖肉，裡面嘅油炸鬼脆卜卜，一口腸粉口感豐富，再配甜豉油更加提鮮，非常驚喜！石榴牛肉球（三件） $62有別於一般牛肉球，用腐皮包住成粒牛肉球，再用上湯浸住，味道清甜，唔洗點喼汁都食到牛肉嘅鮮甜。雪山叉燒酥（三件） $68酥皮外脆帶牛油香味，內餡叉燒帶甜多汁，再食多件都唔覺膩。楊枝甘露 $58經典香港甜品清涼爽口，以芒果、西米、柚子等材料，淨係睇賣相都見好足料，給人一種濃郁而清新的感覺。