ROSIE

營業中

休息中

同閨蜜去葵涌廣場行完街街，想揾地方坐下俾對腳叉下電，上網搵下見附近有間新cafe，就一於試下。店內環境以淺色木系簡約舒適，餐廳有小圓枱同梳化座，但安唔安排到要睇運氣喇，當日食客較多，被安排到bar枱，可以望街景也不錯呢。繁忙時段用餐時間為75分鐘。藍水晶蝦酸辣天使麵 $128意粉上碟時分了兩束，可以每人夾一束方便分享。味道不過辣，酸酸地食落幾開胃，蝦身已去殼，吃得更方便，都好新鮮彈牙。雞翼 （2件）$20雞翼算大隻，灑滿避風塘炸蒜，炸得幾香脆肉稍為乾身。紫白配牛角酥窩夫 $88窩夫一人一件唔洗爭，窩夫每格都填上了藍莓忌廉同原味忌廉，舖上士多啤梨及雜莓，旁邊還有紅肉火龍果，色彩繽紛，窩夫咬落口感鬆脆，配有自家製奶茶味雪糕，甚有泰式奶茶風味。Matcha Latte $48濃香抹茶味，但沒有一點苦澀味，飲落順滑。Purple Potato Milk $48淡淡紫色配上白色心心拉花，望落唔捨得飲，紫薯味淡淡的不太甜。