權發海鮮酒家 (已結業)

一家人出街食飯，落左樓下權發酒樓，見到有新甜品---- 燉椰皇，想試下。問個侍應等幾耐到，佢答十五分鐘。差唔多食飽飽就落單啦。點知等左二十分鐘都未到，就問個侍應，佢話廚房唔出，我都冇辦法，轉頭又講要再等多十五分鐘。等了又等，十五分鐘過後，個椰皇仲未出現，再次問侍應，佢只係問要幾多個椰皇，就走左去，完全冇回覆。再等多五分鐘，仍然未黎，諗住埋單走人，點知無侍應理我地，可能怕我地又催單。結果。呢個椰皇由落單到到達需要九個字時間。味道方面，不過不失，唔算特別出色，唔值得等咁耐。唔食好過食