鼎壹館 (已結業)

呢間係天后都開左一段時間，噚晚第一次去試。出街食飯都預左比較油膩同重味，所以已叫少油少鹽。叫左唔代表會做，做唔代表會合心水！ 我地叫左餐前小食1）芹香陳醋雲耳，睇唔到「芹」，味道方面呢個正常，如果唔咁甜會仲好，因為蓋通左應有的酸度，少d糖都健康d la. （但有些人可能比較喜歡）2）草莓拔絲咕嚕肉，這個要炸好難叫少油，重味，只屬正常。3） 三椒味菜炒黑豚柳，係咪真係黑豚我就唔知，叫左少油少鹽，結果係冇咁鹹嘅但好油囉 ，要用茶洗下先食，唉都係好油。4）蒜香肉碎蒸茄子，我也有叫少油少鹽，通常蒸完後廚房會加豉油熟油先上菜，所以叫定少油少鹽，最後係佢冇加熟油上菜但茄子係先走油，仲油仲肥，茄子個底係油同鮮紫色所以知道，諗住呢個餸清d, 點之非常失望，其實呢個年代人人都注重健康，如果再唔改下，講真好難有下次。