長發海鮮酒家 (已結業)

我記得呢間酒樓係而家呢個鋪位都好耐嫁喇！中間好似轉過幾次名，原本都不是叫做長發。今次返細個住的地方探人，順便懷緬兒時去過的地方。本來今次想去打邊邊，但呢排又食得多熱氣野，咁岩部長又介紹食蒸海鮮唔洗自己煮，就入去試左佢個Ａ餐，都係貴打邊邊少少。佢都有分Ａ，Ｂ同Ｃ餐，既然都係第一次食，就試個便便地的Ａ餐。其實檯面都有個散叫餐牌，單點幾個都貴過Ｃ餐，所以都係叫個套餐Ａ算。食前都有去海鮮檔簡海鮮。海鮮有生蠔，貝殼類，蟶子簡啦！都算幾新鮮，都有郁動，起碼證明生猛而不是奄奄一息先啦咁！然後食埋個南瓜排骨粥，集齊哂咁多種海鮮的味道，幾濃郁！最後跟埋個椰汁糕，甜而不膩！